كيك سريع وسهل

موضوع: كيك سريع وسهل السبت ديسمبر 18, 2010 7:31 pm

غاليات جمعتلكم اليوم حلويات سهله مره ولذيذه واهم حاجه انها مجربه 100%
ولوتعرفو هذي 3 مره وانا اكتب وابغى اسوي نشر الموضوع يتلغي على ويقول الصفحه اتلغت
بس مو مشكله علشان خاطر عيونكم

حلا السنكرز او المارس اللي موجود عندك
كيك العائله يقطع شرائح ويصف بالصينيه او اذا ماتبغي كيك ممكن بسكوت مغمس بالحليب ومرصوص 3 الى 4 طبقات
نسيح 3 ملاعق زبده + سنكرز او المارس وبعد مايسيحو تحطي علبه قشطه وتصبينه فوق الكيك وبالثلاجه

كيك التويكس
6 اصابع تويكس + 3 كريم كراميل + 3 قشطه
وبنخلطو بالخلاط نصف بالصينيه شرائح كيك العائله ونصب الخليط فوق الكيك وبالثلاجه

حلى التويكس
3الى 4 طبقات بسكوت مغمس بحليب مذوب فيه نسكافه
في الخلاط
2قشطه + 3 ملاعق اكل حليب بودره + ملعقه صغيره نسكافه +12اصباع تويكس
ونصبه فوق البسكوت وبالثلاجه

حلى بالبسكوت
بالخلاط
3علب قشطه + 3 فناجين قهوه سكر بودره + 3 فناجين قهوه حليب بودره
غمسي بسكوت بحليب ونسكافه
وصفي طبقه بسكوت وطبقه من الخليط واخر شي الخليط وترشي نسكويك على الوجه وبالثلاجه

بف باستري بالتمر
تجيبي البف باستري المربعات وتقطعيها لاربع قطع وتحطي كل قطعه بصينية الكيب كيك الصغيره
وتحطي فيها نص تمره
وتخلطي بالخلاط 4 كيري + شوي سكر وقرفه + بيضه + فانيليا وتصبي مقدار ملعقه اكل فوق التمره وتحطيها بالفرن بس من تحت

حلى الايس كريم
تجيبي الكيك الجاهز بنكهة الشوكلاته وتفتتيه وترصيه بالصينيه وتضغطي عليه
بالخلاط 1 حليب بوني حق الشاي + 1 كريم كراميل + 1 دريم ويب + 1 علبه قشطه + سكر شوي وتصبيهم على الكيك وبالفريزر

كيك سويسرووول
تجيبي الكيك السويسرول بنكهة الشوكلاته او الفانيليا (كل واحد السويسرول الاصابع ولا الكبير )وتقطعيه شرائح وتصفيه بالصينيه
بالخلاط
3 مارس + 2 قشطه + 2 دريم ويب
وصبيه فوق الكيك وبالثلاجه

حلا القرفه
نص كوب دقيق + نص كوب سكر + 2 بيض + نص كوب حليب سائل + نص ملعقه شاهي قرفه + فانيليا + نص ملعقه اكل بيكنج باودر + ربع كوب زيت وينخلطو بالخلاط
ونصبهم بصينيه مدهونه وبالفرن من تحت ومن فوق
ولما تبرد تقطع

جزاك الله خيرا و بارك الله فيك
و في موضوعك القيم و المتميز

مشكووووووووووووووووووووور و جزاك الله خيرا على الرد الحلو